Oh Snap!

Please turnoff your ad blocking mode for viewing your site content

Hit enter after type your search item
Home / News / रौतहट जिप दुर्घटनामा मृतकको संख्या छ पुग्यो

रौतहट जिप दुर्घटनामा मृतकको संख्या छ पुग्यो

/
/
/
313 Views

रौतहट, पुस १३ गते । रौतहटमा जन्ती लिएर घर फर्किदै गरेको गाडी दुर्घटना हुँदा मृत्यु हुनेको संख्या ६ पुगेको छ ।

रौतहट प्रहरी प्रवक्ता सुनिल मल्लका अनुसार बिआर ०५ पिए ६९५३ नम्बरको स्करपियो दुर्घटना भएको हो । विवाह सकेर घर फर्किने क्रममा गरुडा नगरपालिका- १ स्थित जयनगरमा स्करपियो दुर्घटना हुँदा मृत्यु हुनेको संख्या ६ पुगेको हो ।

तीव्र गतिको स्करपियो  अनियन्त्रित भएर सडकबाट २० मिटर तल खसेको मल्लले बताउनुभयो । घाइते तीन जनाको विभिन्न अस्पतालमा उपचार भइराखेको छ ।

मृतक ६ जना गढीमाई नगरपालिका वडा नम्बर ३ का हुन् । मृत्यु हुनेमा १६ वर्षीय सेख नौसाद, २२ वर्षीय सेख सैनुल्लाद, २५ वर्षीय सेख छोटु, ५५ वर्षीय डा.मसिफिर, १५ वर्षीय सेख अतिउल्लाह रहनुभएको छ । अन्दाजी ४५ वर्षीय एक जनाको भने पहिचान खुलेको छैन ।

Read Also:

प्रदेशको राजधानी र नामाकरणको लागि विशेष समिति गठन

जनकपुर, पुस १३ गते । प्रदेश २ को प्रदेश सभाको आठौँ अधिवेशनको पाँचौं बैठकले सभामुख सरोजकुमार यादवको संयोजकत्मा राजधानी र नामकरणसम्बन्धी अध्ययन विशेष समिति गठन गरेको छ । यस विशेष समितिको सहसंयोजकमा उपसभामुख उपमाकुमारी देवलाई राखिएको छ ।

समितिका सदस्यहरुमा प्रदेशसभा सदस्यहरु उपेन्द्रकुमार कुशवाहा, किशोर साह (कमल), जगतप्रसाद यादव, दिलिपकुमार साह, परमेश्वर साह, बिदेश्वरप्रसाद यादव, शत्रुधन महतो, शारदा थापा, शिवचन्द्र चौधरी, शैलेन्द्रकुमार यादव, सञ्जयकुमार यादव, साबित्रीदेवी साह, सुन्दरबहादुर विश्वकर्मा र सुनिताकुमारी साह रहनुभएकोे छ ।

मंगलबार बसेको प्रदेशसभा बैठकमा सभामुख यादवले प्रदेश सभा कार्य सञ्चालन (पहिलो संशोधन) नियमावली, २०७५ को नियम ७३ (क) को उपनियम (९) तथा नियम ७३ (ख) को उपनियम (९) बमोजिम प्रदेशको राजधानी र नामकरणसम्बन्धी प्रस्तावमाथि अध्ययन गरी प्रदेश सभामा प्रतिवेदन पेश गर्न राजधानी तथा नामकरणसम्बन्धी अध्ययन विशेष समिति, २०७८ गठन गर्न नामावलीसहितको प्रस्ताव पेश गर्नुभएको थियो । सो प्रस्ताव पेश गरेपछि प्रदेशसभा सदस्यहरुले अनुमोदन गर्नुभएको थियो ।

समितिलाई प्रदेशको राजधानी र नामकरण सम्बन्धमा दर्ता भएको प्रस्तावहरुबारे विभिन्न पक्ष, विज्ञसँग छलफल, अन्तरक्रिया गरी सुझावसहित १५ दिनभित्र प्रदेश सभामा प्रतिवेदन बुझाउन जिम्मेवारी तोकेको छ ।

सोही बैठकमा प्रदेशसभा सञ्चालन कार्य विधिअनुसार संसदीय दलको सिफारिसमा प्रदेशसभा सदस्य प्रमिलादेवी यादवलाई महिला, बालबालिका तथा सामाजिक न्याय समितिबाट विकास समितिमा तथा पश्मिना काजरीलाई अर्थ तथा योजना समितिमा हेरफेर गरिएको सभामुख यादवले जानकारी दिनुभयो ।

यता जनता समाजवादी पार्टी नेपाल (राजपा), लोकतान्त्रिक समाजवादी पार्टी (लोसपा) र नेकपा माओवादी केन्द्रले प्रदेश २ को नाम मधेस प्रस्ताव गरेको छ भने नेकपा एमाले र नेकपा एकीकृत समाजवादीले जानकी नाम प्रस्ताव गरेको छ । नेपाली काँग्रेसले मिथिला–भोजपुरा नामाकरण प्रस्ताव गरेको छ । प्रदेशसभाको बैठक अर्काे सूचना नभएसम्मका लागि स्थगित गरिएको सभामुख यादवले जानकारी दिनुभयो ।

  • Facebook
  • Twitter
This div height required for enabling the sticky sidebar
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :